Վերջապես մեր շոՎուբիզնեսում տեղաշարժեր են նկատվում:
Օրերս զբոսնում էի քաղաքում, ու լրիվ պատահական պարզեցի, որ VITAMIN-ի տղաները նոր նախաձեռնություն ունեն՝ սրճարանի տեսքով: Կարծում եմ սա եզակի դեպքերից է, երբ արդեն հեռուստատեսությունում իր ուրույն տեղն ունեցող շոուն նաև բիզնեսի է վերածվում՝ իր անունը դարձնելով բրենդ: Նման հաջողված փորձ արեցին նաև ”Կարգին”-ի տղաները, ովքեր իրենց կարգին հումորի հետ մեկտեղ առաջարկեցին մեզ նաև կարգին օպտիկա ու կապ: Դե իսկ Վիտամինցիները, կարծում եմ , մնացին հավատարիմ իրենց բրենդային անվանմանը ու առաջարկեցին վիտամինային հյութեր, կոկտեյլներ ու նրբերշիկներ...;)
Ցավոք դեռևս չեմ օգտվել նրանց առաջարկած նոր ծառայությունից, բայց մտադիր եմ օրերս այցելել նրանց, միգուցե նաև հետաքրքիր սպասարկո՞ւմ են մտածել: Հուսամ, հուսամ, որ էնտեղ էլ չեմ հանդիպի հերթական ”մուննաթ” դեմքով կոկոլ վառեկ մատուցողուհիներին:
