Անընդհատ վատաբանում ենք այս երգահանին՝ տեղի-անտեղի պիտակավորելով, պոզ ու պոչ կպցնելով: Անկեղծ ասած, երբեմն ինքս էլ եմ զայրանում Վահրամի որոշ "աշխատանքների" վրա: Նրան անտաղանդ անվանելը մեծ մեղք է, սակայն երբեմն այնպիսի աղբի տակ ես հանդիպում նրա անվանը, որ չես ուզում հավատալ անգամ... Բայց պիտի լինեմ օբյեկտիվ, և, ըստ իս, առողջ քննադատության կողքին պիտի նաև արժանին մատուցել լավ աշխատանքին: Վերջերս համացանցում պատահաբար հանդիպեցի մեր խոստումնալից կատարողներից՝ Վլադիմիր Արզումանյանի "Միասին" երգին, որի հեղինակը մեր ու ձեր կողմից "քիչ" սիրված, բայց շա՜տ քննարկվող Վահրամ Պետրոսյանն է: Շա՜տ գեղեցիկ երգ ու կատարում, որը գրեթե անհայտ է ու քիչ քննարկված, երևի տեսահոլովակի բացակայության պատճառով:
Ինչևիցէ, առաջարկում եմ վայելել կատարումը ու, ցանկության դեպքում, նաև գովեստի խոսքեր շռայլել հեղինակի ու կատարողի հասցեին ;ՃՃՃ
