2006թ.-ի Հունվարի 24-ին` Սուրբ Վալենտինի տոնի կապակցությամբ, ճապոնական Uchihara Group ընկերությունը ներկայացրել է աշխարհի ամենաթանկ շոկոլադե տորթը: Տորթն ունեցել է Աֆրիկա մայրցամաքի ձևը և պատված է եղել 2600 ադամանդե քարերով, որը կազմել է 504 կարատ: Շոկոլադե տորթի արժեքը կազմել է 4 361 835 դոլար:
**********************************************************************************************************************
**********************************************************************************************************************
Սակայն վերը նշված ռեկորդը գերազանցել է սեյշելյան հյուրանոցներից մեկը` պատրաստելով աշխարհի ամենաթանկ աղանդերը: Այն շոկոլադե տորթ էր` պատված 929 ադամանդով, որը կազմում էր 151,92 կարատ և արժեր 5 310 000 դոլար: Գնի մեջ մտնում էր նաև առաջին կարգի ուղետոմս ցանկացած երկրից դեպի Սեյշել և 1 շաբաթյա հանգիստ այդ հյուրանոցում: Այս աղանդերը շատ հաճելի նվեր կարող էր դառնալ աղջիկների համար:
**********************************************************************************************************************
**********************************************************************************************************************
Ամենաթանկ շոկոլադը համարվում է Patchi ընկերության արտադրանքը: Այս շոկոլադի մեկ տուփն արժե ընդամենը 8000 դոլար: Տուփը պարունակում է 49 կոնֆետ ամենաորակյալ կակաոյի տեսակներից, պատված է բնական կաշվով, իսկ յուրաքանչյուր կոնֆետ փաթաթված է հնդկական և չինական մետաքսով` զարդարված Սվարովսկու քարերով:
**********************************************************************************************************************
**********************************************************************************************************************
Աշխարհի ամենաթանկ սպիտակ տրյուֆելը Հոնկոնգում պատրաստել է Ումբերտո Բոմբանան Ritz-Carlton հյուրանոցի հյուրերի համար: Պատկերացնում ե՞ք՝ այն արժեցել է 111477 դոլար:
**********************************************************************************************************************
**********************************************************************************************************************
Աշխարհի ամենաթանկ պաղպաղակն առաջարկում է Նյու Յորքի "Serendipity 3" ռեստորանը՝ 25000 դոլար արժողությամբ: Դա սերուցքային պաղպաղակ է 25 տեսակ կակաոյից, զարդարված հարած սերուցքով և փոքրիկ շոկոլադե գնդիկով, որի գինը 500գ.-ի համար կազմում է 2600 դոլար: Պաղպաղակը մատուցվում է եզրը ոսկեպատ բաժակով և ադամանդե քարերով, ինչպես նաև ոսկեպատ գդալով: Պաղպաղակի մեջ կա 5,7գ. 23 կարատանոց ուտելի ոսկի: Նաև առաջարկվում է ճաշակելուց հետո տանել այն ամենը ինչ մնացել է, անգամ գդալը և բաժակը:
**********************************************************************************************************************
**********************************************************************************************************************
Ամենաթանկ սենդվիչը աշխարհում մատուցում են Տոկիոյի հյուրանոցներից մեկում: Այն կոչվում է Wagyu: Սենդվիչը պատրաստված է տավարի մսից: Գինը մեր երկրի նվազագույն աշխատավարձից մի փոքր բարձր է՝ ընդամենը 112 դոլար:
**********************************************************************************************************************
**********************************************************************************************************************
Աշխարհի ամենաթանկ բուտերբրոդը հպարտությամբ կրում է "Պլատինե ակումբային սենդվիչ ՖՈՆ ԷՍՍԵՆ" անվանումը: Այն կարելի է համտեսել "ՖՈՆ ԷՍՍԵՆ" հյուրանոցներում` վճարելով ընդամենը 200 դոլար: Այս բուտերբրոդը իրոք համեղ է: Այն բաղկացած է իբերիական խոզապուխտից, բրեսական բտահավից, սպիտակ տրյուֆելից, լորի ձվից, չորացրած իտալական լոլիկից ու հացից:
**********************************************************************************************************************
**********************************************************************************************************************
Աշխարհի ամենաթանկ պիցցան առաջարկվում է հենց պիցցայի ծննդավայրում` Իտալիայում: Նրան անվանում են ”Luis XIII”: Իսկ արժեքը կազմում է 8300 եվրո: Այս պիցցան պատրաստում են հաճախորդի ներկայությամբ: Բաղադրիչներից է մոցարելլա բուֆալո պանիրը, կարմիր լանգուստ` ծովային խոշոր ուտելի խեցգետինը, 3 տեսակի ձկնկիթ, օմար և մանր ծովախեցգետին: Պիցցայի մեջ օգտագործում են ո՛չ սովորական, ո՛չ էլ ծովային աղ, այլ ավստրալիական վարդագույն “Murray River” աղ:
**********************************************************************************************************************
**********************************************************************************************************************
Ամենաթանկ Սուշին աշխարհում արժե 2500 դոլար: 2010թ. Միլանական ռեստորաններից մեկի համար Անգելիտո Արանետան առաջին անգամ ստեղծեց աշխարհի ամենաթանկ սուշին: Յուրաքանչյուր ձողիկի վրա կա ուտելի ոսկյա շերտ և զարդարված է հրաշալի աֆրիկական 0,2 կարատանոց ադամանդներով: Այ հիմա հասկանալի է, թե ինչու է Louis Vuitton-ը 450 դոլարանոց սուշիի փայտիկներ առաջարկում:
**********************************************************************************************************************
**********************************************************************************************************************
Աշխարհի ամենաթանկ ձկնկիթը համարվում է խխունջի ձկնկիթը: Նրա հայրենիքը Ֆրանսիան է: Արտաքինից նման է փոքրիկ մարգարիտների, կաթնագույն է, համը շատ նուրբ և էկզոտիկ: Արտադրողները խորհուրդ են տալիս օգտագործել այն սենյակային ջերմաստիճանում` ավելացնելով թթվասեր կամ սոուս, սակայն շատ խոհարարներ օգտագործում են այն նաև տարբեր ճաշատեսակներ պատրաստելու համար: Այս դելիկատեսի արժեքը 1կգ.-ի համար տատանվում է 2000-2500 դոլարի սահմաններում:
**********************************************************************************************************************
**********************************************************************************************************************
Էկզոտիկ ձվածեղների սիրահարների համար իսկական տեղն է “Le Parker Meridien” նյույորքյան հյուրանոցը: Հենց այստեղ կարելի է պատվիրել ամենաթանկ ձվածեղը, որն արժե 1000 դոլար: Մատուցվում է կարտոֆիլե "սպունգի" վրա և թառափի ձկնկիթով:
**********************************************************************************************************************
**********************************************************************************************************************
Աշխարհում ամենաթանկ աղցանը կրում է "Florette Sea & Earth" անվանումը: Այն պատրասվում է Օքսֆորդի հյուրանոցում: Մեկ չափաբաժինը կազմում է 800 եվրո, իսկ բաղադրության մեջ մտնում է 50գ սպիտակ խխունջի ձկնկիթ, կոռնուական խեցգետին, լանգուստ, լոբստեր, ֆլորետական թարմ հազար, տրյուֆել, կարտոֆիլ, ծնեբեկ, ձեթ: Ուտեստը ձևավորվում է ոսկե նրբաթիթեղով:
**********************************************************************************************************************
**********************************************************************************************************************
Աշխարհի ամենաթանկ միսը տավարի միսն է: Սակայն ոչ թե սովորական, այլ մարմարե և անպայման ճապոնական վագիու ցեղատեսակից: Նախկինում այս ցեղատեսակը բուծում էին միայն Ճապոնիայում, այնուհետև սկսեցին բուծել նաև Ավստրալիայում: Որակի բարձրացման համար ավստրալական ֆերմերները սկսեցին կենդանիներին տալ կարմիր գինի, որի մեկ շիշն արժե 16 դոլար: 200գ. ֆիլեն արժե 100 դոլար: Անգամ մսի որոշ փափուկ կտորներ վաճառվում են 1000 դոլարով:
**********************************************************************************************************************
**********************************************************************************************************************
Աշխարհի ամենաթանկ կարտոֆիլը համարվում է ֆրանսիական La Bonnotte սորտը` Նուրմուտյե կղզուց: Այս կարտոֆիլի տեսակը այնքան փափուկ է, որ բերքահավաքը կատարվում է միայն ձեռքով: Տարեկան բերքը կազմում է մինչև 100 տ.: 1 կգ. կարտոֆիլի արժեքը կազմում է ընդամենը 600 դոլար:
**********************************************************************************************************************
**********************************************************************************************************************
Շաֆրանը համարվում է աշխարհի ամենաթանկ համեմունքը: Այս համեմունքը պատրաստում են ձեռքով: Սկզբից զգուշորեն հավաքում են, հետո չորացնում: Մեկ կիլոգրամ շաֆրան ստանալու համար անհրաժեշտ է շուրջ կես միլիոն առէջ հավաքել: Զարմանալի չէ, որ մեկ կիլոգրամ իսկական շաֆրանի գինը հասնում է 6000 դոլարի:
**********************************************************************************************************************
**********************************************************************************************************************
Աշխարհի ամենաթանկ սունկը կոչվում է սպիտակ տրյուֆել: Շատ դժվար է որոշել 1 կգ.-ի գինը, քանի որ յուրաքանչյուր մեծ սունկ վաճառվում է աուկցիոնով: Օրինակ՝ 2004 թ.-ին 850 գրամանոց սունկը գնել էին 28 000 ֆունտ ստերլինգով: Գնողը, հույս ունենալով, որ կարող է բազմացնել այն, դրել էր հողի մեջ, սակայն այդպես էլ հաջորդ տարի չբազմանալով՝ ստիպված էր եղել վերադարձնել մնացորդները սունկի հայրենիք` Տոսկանա: Իսկ 2007 թվականին 750 գրամ սունկը գնվեց 209 000 դոլարով: Այս սունկի հետ, նախորդի նման, ոչ մի վատ դեպք չպատահեց. սունկը բարեհաջող պատրաստեցին և ճաշակեցին յուրահատուկ տրյուֆելային բանկետի ժամանակ:
**********************************************************************************************************************
**********************************************************************************************************************
Աշխարհի ամենաթանկ հացը անգլիական Roquefort and Almond Sourdough հացն է: Պատրաստելու համար անհրաժեշտ է ալյուրի ամենալավ տեսակը` ”Ա”-ն` միայն Վիլտշիրեյում աճող հացահատիկից: Հացի մեջ ոչ բնական նյութեր չեն ավելացվում: Հացի խմորը թթվեցնում են ոչ պակաս հայտի ֆրանսիական ռոկֆոր պանրի հետ, ավելացնում են նաև նուշ և ուրիշ գաղտնի հավելումներ: Այս հացի արժեքը 24.5 դոլար է:
**********************************************************************************************************************
**********************************************************************************************************************
Ընկույզի ամենաթանկ տեսակը համարվում է մակադամիան: Ներկայում աճեցվում է այս ընկույզի 2 տեսակ: Յուրահատկությունը կայանում է նրանում, որ մակադամիա ծառը, ապրելով 100 տարի, միաժամանակ պահանջում է հատուկ խնամք: Ծառը տարեկան տալիս է մինչև 40տ. բերք: Արդյունքում այս ընկույզի 1 կգ.-ի արժեքը կազմում է 30 դոլար:
**********************************************************************************************************************
**********************************************************************************************************************
.jpg)
Աշխարհի ամենաթանկ սալորը չինականն է: Այն նաև անվանում են լիչիի պտուղ, որն արժե 67050 դոլար: Այս պտղի բարձր գինը պայմանավորված է նրա՝ ազնվացեղ ծագման միրգ լինելով: Այն աճում է 400 տարեկան ծառի վրա, որի պտուղները անվանում են ”թագավորական” և շատ ուշադրությամբ հսկվում են այգու աշխատակիցների կողմից:
**********************************************************************************************************************
**********************************************************************************************************************
Աշխարհում ամենաթանկ բուլկին արժե 1000 դոլար: Դա նյույորքյան հյուրանոցներից մեկի ավագ խոհարարի ֆիրմային ուտեստն է: Տրյուֆելային կրեմի և յուրահատուկ ժելեյի հետ միասին այն զարդարում են ոսկե թերթիկներով:
**********************************************************************************************************************
