27.12.2012

7 աստղեր, որոնք մարեցին 2012-ին:

Ամփոփելով անցնող 2012-ը` որոշեցինք ներկայացնել ու հիշատակել համաշխարհային անունների, ովքեր կյանքից հեռացան անցնող տարում` իրենց անջնջելի հետքը թողնելով  ժամանակակիցների սրտերում, մեծագույն ավանդ ունենալով նաև եկող սերունդների համար: Որքան էլ որ դժվար է ընդունել ու համակերպվել նրանց բացակայության հետ, միևնույնն է մենք լիահույս ենք, որ գալիք 2013-ը կծնի նորագույն տաղանդների, ովքեր կգան` լրացնելու այն դատարկությունը, որ մնաց մեր սիրելիներից հետո:
Եվ այսպես առաջարկում ենք վերջին տխրությունն այս տարվա` հիշողության տեսքով, բայց նաև ներքին ուրախությամբ, որ ապրել ենք նրանց հետ նույն  ժամանակ ու պատիվ ենք ունեցել` լինել նրանց կյանքի ու գործունեության վկաները:

Ուիթնի Հյուսթոն

Բոլոր ժամանակների փոփ-դիվան կյանքից հեռացավ փետրվարի 11-ին 48 տարեկան հասակում: 411 մրցանակների դափնեկիրն ու միլլիոնավոր մարդկանց կուռքը մահացավ լոգարանում` թմրադեղերի ու բժշկական հաբերի գերդոզավորումից:


Յաուք Ադամ

Ամերիկյան Beastie Boys խմբի հիմնադիր, երաժիշտ, ռեփեր, "սպիտակ ռեփ"-ի առաջամարտիկը մահացավ մայիսի 4-ին 47 տարեկանում` չկարողանալով հաղթահարել թքագեղձի չարորակ ուռուցքը:


Դոննա Սամմեր

63-ամյա "դիսկոյի թագուհի", "Գրեմմիի" վեցակի մրցանակակիր ամերիկյան փոփ-երգչուհին կյանքից հեռացավ մայիսի 17-ին թոքերի քաղցկեղից:


Ջոն Լորդ

Հուլիսի 16-ին ենթաստամոքսային գեղձի քաղցկեղից մահացավ 71-ամյա լեգենդար բրիտանական ռոք-երաժիշտ, "Deep Purple" և "Whitesnake" ռոք-խմբերի ստեղնաշարահարը:


Յուրի Գուրով

 Նոր սերնդին շատ քիչ բան է ասում այս անուն ազգանունը: Սակայան ավագ սերունդը հաստատ հիշում է սովետական "Ласковый май" խմբի բոլոր անդամներին: Այս մանկատան երեխաներից կազմված խումբը, որն առաջինը ԽՍՀՄ-ում հանդես եկավ եվրոդիսկո ոճում դարձավ շատ ու շատ համերկրացիների կուռքը: Իսկ ահա այդ խմբի առաջան կազմի մենակատարներից երկու դուստրերի հայր, 41-ամյա Յուրին այս տարի օգոստոսի 25-ին դժբախտաբար զոհվեց ավտովթարի հետևանքով:


Գալինա Վիշնեվսկայա
Դեկտեմբերի 10-ին, 81-ամյա հասակում ծերունական մահով կյանքից հեռացավ ԽՍՀՄ ժողովրդական արտիստուհի, ՌԴ կառավարության մրցանակակիր, օպերային երգչուհի, "Большой театр"-ի մեներգչուհի Գալինա Վիշնեվսկայան:



Ֆլորա Մարտիրոսյան

 Նոյեմբերի 20-ին 55 տարեկան հասակում լեղապարկի վիրահատությունից հետո առաջացած բարդությունների հետևանքով կյանքից վաղաժամ հեռացավ ՀՀ ժողովրդական արտիստուհի, երգչուհի Ֆլորա Մարտիրոսյանը: Նրա կորուստը մեծ ցնցում էր հայ ազգի, հայ մշակույթի ու հայ մշակույթը սիրող ու գնահատող յուրաքանչյուր մարդու համար:


ՀԳ. Նրանցից յուրաքանչյուրն իր աշխատանքով, տաղանդով ու մարդկային որակներով անմահացավ` իր անմար անունը ոսկե տառերով թողնելով պատմության հորձանուտում...
comments
հեղինակ` ժամը`